Vetura godet këmbësoren në Prishtinë

13:41 | 12 Shkurt 2025
E.K

Një këmbësore ka pësuar lëndime trupore pasi është goditur nga vetura në qendrën e Prishtinës të mërkurën pasdite.

Lajmin për Arbresh.info e ka konfirmuar zëdhënësja e policisë për rajonin e Prishtinës, Flora Ahmeti e cila tha se aksidenti ka ndodhur në rrugën “Bill Klinton”.

Ajo shtoi se me rastin po merret njësiti i trafikut.

“Sot rreth orës 13:00 kemi pranuar informatën se në rrugën “Bill Klinton” në Prishtinë, ka ndodhur një aksident trafiku me lëndime. Në këtë aksident kanë qenë të përfshirë, një këmbësore dhe një veturë në lëvizje. Si pasojë e aksidentit lëndime trupore ka pësuar këmbësorja, e cila është dërguar për tretman mjekësor. Me rastin po merret njësiti i trafikut të kryeqytetit”, tha ajo./Arbresh.info