Rio Ferdinand i ka kërkuar Ruben Amorimit që ta ftojë Paul Pogban të kthehet në Manchester United për stërvitje, në mënyrë që të vlerësojë aftësinë e tij dhe rikthimin e mundshëm në skuadër.

Ish-mbrojtësi i Man United beson se talentit të Pogbas duhet t’i jepet një shans për të provuar veten përsëri, duke sugjeruar që mesfushori t’i lejohet të stërvitja me ekipin.

“Unë do t’i thoja Pogbas, ‘Hajde dhe stërvitu me ne, më lër të shoh se çfarë ke’”.

“Unë do ta bëja këtë gjë. Do ta kisha bërë tashmë. Ejani dhe kthehu në formë”, ka thënë Ferdinand.

Paul Pogba i është ulur dënimi për doping në vetëm 18 muaj, që do të thotë se mesfushori mund të rikthehet në veprim që në mars.

Pasi Juventusi mori vendimin për t’u ndarë me Pogba, 31-vjeçari ka kërkuar në mënyrë aktive një klub të ri.