Dallas Mavericks ka dërguar Luka Doncic tek Los Angeles Lakers në orët e vona të së shtunës, teksa në këmbim kanë siguruar shërbimet e qendrës Anthony Davis, në një lëvizje që befasoi tifozët dhe lojtarët.

Sipas një raportimi nga Elias Sports Bureau, kjo është hera e parë që dy lojtarë që janë pjesë e ‘All-Star’ janë shkëmbyer me njëri-tjetrin në mes të sezonit.

25-vjeçari Doncic pesë herë pjesë e ‘All-Star’, do të luajë tani përkrah LeBron James, teksa Lakers kanë siguruar edhe shërbimet e Maxi Kleber dhe Markieff Morris në këtë marrëveshje.

“Po, vërtet ndodhi. Mirë se vini në Los Anxhelos, Luka” , ka shkruar faqja zyrtare e LA Lakers në platformën X.

Në ndërkohë, drejtori gjeneral i Mavericks, Nico Harrison, ka shpjeguar arysen pse ata e morën këtë vendim që tronditi të gjithë.

“Është një nga gjërat që puna ime ma kërkon t’i bëjë, vendimet e vështira që vendosin qëllimet tona në radhë të parë”, ka thënë Harrison.

Doncic i cili pati një mesatare prej 28 pikësh, 8.3 ribaunde dhe 7.8 asistime në 22 ndeshje këtë sezon, është ballafaquar me disa lëndime dhe nuk ka luajtur që nga periudha e Krishtlindjeve.

Ai i udhëhoqi Maverick drejt finaleve të NBA sezonin e kaluar dhe ishte në gjendje të nënshkruajë një kontratë pesë vjeçare.

No. 77 has arrived.

New wallpapers for LA’s newest star ? pic.twitter.com/BdJZLUtNt0

— Los Angeles Lakers (@Lakers) February 2, 2025