Kandidati nga AAK për kryeministër, Ramush Haradinaj ka udhëtuar drejt Amerikës, ku dhe do të marrë pjesë në inaugurimin e presidentit Donald Trump, ku ka zhvilluar takime të rëndësishme.

Haradinaj ka bërë të ditur në Iowa ka takuar ambasadorin e NATO-s, Matthew Whitaker, senatoren Joni Ernst dhe Kongresmenët Randy Feenestra e Zach Nunn, takime për të cilat kreu i AAK-së thotë se me ta ka diskutuar për anëtarësimin e Kosovës në NATO, shkruan Arbresh.info.

“Jam thellësisht i nderuar të fillojë këtë fundjavë festive të inaugurimit te Presidentit Trump, me ftesë të miqve tanë na Iowa e në shenjë të këtij momenti historik. Ishte e një rëndësie të jashtëzakonshme të takohesha me Matthew Whitaker, i përzgjedhur i Presidentit Trump për ambasador të SHBA në NATO, Senatoren Joni Ernst dhe Kongresmenët Randy Feenestra e Zach Nunn nga Iowa e ShBA.
Në të gjitha bisedat kam diskutuar me prioritet angazhimin e përbashkët të anëtarësimit direkt të Kosovës në NATO dhe kthimit të raportit steategjik mes dy vendeve!”, ka shkruar ai.

Ai thotë se lidhja e Kosovës me Iowa është e rëndësisë jetike në realizimin e vendit drejt NATO-së.

Kreu i AAK-së thotë se “Iowa ka luajtur një rol vendimtar në rrugëtimin e Kosovës”.

“Lidhja ndërmjet Kosovës dhe Iowas, e iniciuar përmes Programit të Partneritetit Shtetëror ndërmjet Gardës Kombëtare të Iowas dhe Forcës së Sigurisë së Kosovës, është e rëndësisë jetike në realizimin e synimeve tona drejt NATO-s. Ajo që filloi si një marrëdhënie e bazuar në mësim dhe mbështetje të ndërsjellë, është shndërruar në marrëdhënie strategjike dhe një afërsi që shkon shumë përtej bashkëpunimit ushtarak. Sot, ajo përfshin lidhje më të gjera mes vendeve tona, edukimit, ekonomisë dhe kulturës, duke qëndruar si një shembull i shkëlqyer i asaj që mund të arrijnë miqësia dhe partneriteti.

“Iowa ka luajtur një rol vendimtar në rrugëtimin e Kosovës, dhe mbështetja e palëkundur nga Garda Kombëtare e Iowas, së bashku me besimin dhe përkushtimin e tyre, ka ngritur bashkëpunimin tonë në lartësi të reja. Sot, jo vetëm që qëndrojmë krah për krah në paqe, por gjithashtu shërbejmë së bashku në misione për siguri dhe paqe, duke treguar forcën e vërtetë të këtij partneriteti. Ndërsa festojmë këtë fundjavë, duke shënuar inaugurimin e Presidentit Trump, dua të shpreh mirënjohjen time më të thellë për popullin e Iowas”, ka shkruar mes të tjerash ai./Arbresh.info/