ZYRTARE: Leotrim Krasniqi shkarkohet nga posti i trajnerit të Vëllaznimit

12:59 | 16 Janar 2025
D.H

Leotrim Krasniqi është shkarkuar nga posti i trajnerit të Vëllaznimit.

Lajmin e ka bërë të ditur vetë klubi gjakovar përmes një postimi në rrjetin social Facebook, shkruan Arbresh.info.

“Ju njoftojmë se Kryesia e klubit ka vendosur që të ndërpres bashkëpunimin me kryetrajnerin Leotrim Krasniqi”, shkruhet ndër të tjera në postimin e klubit.

Gjakovarët kanë bërë një gjysmësezon të suksesshëm duke u renditur në vendin e dytë me 27 pikë, katër më pak se Drenica që është liderë në Ligën e Parë, grupi A.

Gjithashtu ata janë kualifikuar në kuadër të rrethit të 1/8 së finales në Kupën e Kosovës. Por kjo nuk ka mjaftuar që trajneri ta vazhdojë edhe pjesën e dytë të sezonit.

Mbetet të shihet ditëve në vazhdim se kush do të jetë pasardhësi i Krasniqit në postin e trajnerit të kuqezinjve./Arbresh.info