Një bisedë mes G Bani dhe Laert Vasili, zhvilluar brenda shtëpisë së “Big Brother VIP Albania”, është bërë objekt diskutimi të madh në rrjetet sociale, duke shkaktuar reagime të ashpra nga ndjekësit e formatit.

Në këtë bisedë, dyshja dëgjohen duke folur në gjuhën greke, një veprim që shkel hapur rregullat e programit, i cili kërkon që komunikimi të bëhet vetëm në shqip.

Përmbajtja e kësaj bisede ka qenë veçanërisht shqetësuese. G Bani është dëgjuar duke thënë: “A e di se çfarë mund t’i bëj kësaj k**ve jashtë? Mund ta mbyll”. Këto fjalë, të cilat konsiderohen si kërcënuese ndaj konkurrentit tjetër, Gjestit, kanë ngritur shqetësime të mëdha.

Nga ana tjetër, Laerti është dëgjuar duke u përpjekur ta qetësojë situatën, por kjo nuk e ka ulur indinjatën e publikut.

Kujtojmë se në spektaklin e fundit, familja e G Bani kishte reaguar publikisht për sjelljet e tij. Në një letër të hapur, ata i kërkuan falje familjes së Gjestit për veprimet dhe komentet e papërshtatshme të djalit të tyre, përfshirë edhe përmendjen e familjes së konkurrentit në diskutime.

Ky reagim u pa si një përpjekje për të qetësuar situatën, por biseda e fundit mes G Bani dhe Laertit ka rikthyer tensionet dhe diskutimet.

Publiku ka reaguar fuqishëm në rrjetet sociale, duke kërkuar masa të menjëhershme nga produksioni i “Big Brother VIP Albania”. Përdoruesit kanë kritikuar shkeljen e rregullave dhe gjuhën kërcënuese të përdorur nga konkurrentët, ndërsa shumë prej tyre kanë kërkuar përjashtimin e tyre nga formati.

@djali.bardhe

Ja patriotizmi i ketyre gangsterave. #gjesti #gjestioffical? #bigbrothervipalbania #bigbrothervipkosova #viral #fyp #laertvasili #stresi

♬ son original – Vito