Qeveria ndan 100 mijë euro për familjen e Enver Hadrit

11:50 | 11 Janar 2025
E.K

Qeveria e Republikës së Kosovës ka mbajtur mbrëmë një mbledhje elektronike, gjatë të cilës ka miratuar ndarjen e 100 mijë eurove për mbështetje financiare të familjes së veprimtarit të vrarë, Enver Hadri.

Në njoftimin për media të shtunën, Qeveria ka thënë se këto mjete janë ndarë për t’i mbuluar shpenzimet në procesin gjyqësor që ka nisur në Gjykatën Penale të Brukselit për vrasësit e Hadrit.

“Qeveria e Republikës së Kosovës ka mbajtur mbrëmë një mbledhje elektronike, në të cilën ka ndarë 100 mijë euro mbështetje financiare familjes së veprimtarit të vrarë Enver Hadri, për mbulimin e shpenzimeve për procesin gjyqësor, i cili ka filluar në Gjykatën Penale në Bruksel, në çështjen penale kundër të akuzuarve për vrasjen e aktivistit të njohur të çështjes së Kosovës, Enver Hadri, i vrarë në Belgjikë në vitin 1990”, thuhet në njoftim./Arbresh.info