Princi i Uellsit i ka uruar ditëlindjen gruas së tij, Catherine, pasi ajo i mbush 43 vjet.

“Për gruan dhe nënën më të pabesueshme. Forca që keni treguar gjatë vitit të kaluar ka qenë e jashtëzakonshme”, shkroi William në një mesazh të postuar në rrjetet sociale.

“George, Charlotte, Louis dhe unë jemi shumë krenarë për ty. Gëzuar ditëlindjen, Catherine. Ne të duam. W.”

Princesha i është rikthyer detyrave mbretërore pas trajtimit parandalues ​​të kimioterapisë si pasojë e diagnostikimit me kancer vitin e kaluar.

Kensington Palace postoi mesazhin personal të shkruar nga William së bashku me një foto të paparë më parë të Catherine-s, të realizuar nga fotografi Matt Porteous në Windsor verën e kaluar.

Fotoja bardh e zi tregonte princeshën e relaksuar dhe të buzëqeshur, e veshur me xhinse, një këmishë të bardhë dhe një shall, shkruan BBC.