Futbollisti i Barcelonës, Lamine Yamal padyshim që është njëri prej talentëve më të mëdhenj në botën e futbollit.

Talenti 17-vjeçar, ka fituar Evropianin këtë sezon me Spanjën, gjithashtu ishte fituesi i “Golden Boy” dhe u rendit i teti në listën e Topit të Artë.

E pikërisht për këtë çmimin e fundit ka folur edhe agjenti i tij, Jorge Mendes, ku theksoi se Yamal do ta fitojë vitin e ardhshëm Topin e Artë.

“Lamine Yamal, ju do ta fitoni Topin e Artë vitin e ardhshëm”, iu drejtua Jorge Mendes gjatë galës së Golden Boy sulmuesit anësorë.

“Lamine Yamal është lojtari më i mirë i ardhshëm në botë”, tha Mendes.

Lamine fitoi Golden Boy për 2024 me diferencën më të madhe në histori, gjithashtu ai ishte fitues edhe i “Kopa Trophy”.

17-vjeçari këtë edicion në 21 ndeshje zyrtare ka shënuar gjashtë gola dhe ka asistuar 12 asistime./Arbresh.info