Prodhuesi turk: Fabrika në Kosovë do të prodhojë municion me standarde

11:59 | 17 Dhjetor 2024
A Z

Prodhuesi turk shtetëror i industrisë së mbrojtjes “Makine ve Kimya Endüstrisi” (MKE) me të cilin Qeveria e Kosovës ka nënshkruar marrëveshje për hapjen në Kosovë të fabrikës për prodhimin e municioneve, përmes një postimi në Facebook ka bërë të ditur se ajo do të jetë sipas standardeve të NATO-s.

Prodhuesi turk në Facebook ka shkruar se fabrika në Kosovë do të jetë moderne.

“Nënshkruam marrëveshje për themelimin e një fabrike moderne në Kosovë që do të prodhojë municion sipas standardeve të NATO-s. Me këtë kontratë të nënshkruar, ne jemi krenarë që kemi kontribuar në eksportet e industrisë së mbrojtjes së Turqisë duke forcuar industrinë e mbrojtjes së vendit tonë mik dhe vëlla, Kosovën”, thuhet në postimin e bërë në Facebook.