Barcelona e di se sa kyç është Lamine Yamal në ekipin e tyre edhe pse në moshën 17-vjeçare, ndërsa lajmi i mirë është se ai do të qëndrojë në klub edhe për ca kohë, pasi këtë e konfirmoi agjenti Jorge Mendes.

Mendes shpjegoi se lëndimi i tij i fundit nuk do ta mbante jashtë për shumë kohë.

“Është diçka nga e cila do të shërohet dhe së shpejti do të jetë mirë”, deklaroi ai.

Mendes u pyet gjithashtu nëse Lamine Yamal do të nënshkruante një marrëveshje të re me Blaugranat.

“Sigurisht që ai do të rinovojë me Barcelonën. Lamine është një tifoz i Barcelonës”, deklaroi Mendes.

Marrëveshja e tij aktuale skadon në vitin 2026 – e nënshkruar si adoleshent, por do të bëhet i rritur verën e ardhshme.

Në atë moment, ai thuhet se do të nënshkruajë një kontratë të re gjashtëvjeçare me një klauzolë lirimi prej 1 miliardë eurosh./Telegrafi/