Ka ndërruar jetë mësuesja, Remzie Dauti Selimi.

Lajmin për vdekjen e mësueses e ka dhënë Jehona Lushaku Sadriu, Drejtoresha e Arsimit në komunën e Prishtinës, përcjell Arbresh.info.

Dauti Selimi për vite të tëra kontribuoi me përkushtim të jashtëzakonshëm në edukimin e brezave të rinj, duke lënë pas vetes një trashëgimi të vyer në shkollën ‘Dardania’ dhe ‘Xhemail Mustafa’ në kryeqytet.

“Mësuesja Remzije ishte më shumë se një edukatore; ajo ishte një udhërrëfyese e dashur që edukoi nxënësit me vlera të larta dhe një pasion të çmuar për arsimin. Ngushëllimet tona më të sinqerta i shprehim familjes dhe kolektivit të shkollës. Kujtimi dhe kontributi i saj do të mbeten të paharruar. Për mua do të mbetet një mike e këshillat e saj do të jetojnë me mua për sa të është jeta”, ka shkruar Lushaku – Sadriu në Facebook./Arbresh.info