Kremlini i cilëson ‘absurde’ dyshimet se ka pasur përfshirje në dëmtimin e dy kabllove të telekomunikacionit të të dhënave me fibra optike në Detin Baltik.

Qeveritë evropiane kanë akuzuar Rusinë për përshkallëzimin e sulmeve hibride ndaj aleatëve perëndimorë të Ukrainës, megjithëse nuk e akuzuan drejtpërdrejt Moskën për sulmin gjatë fundjavës.

Incidenti erdhi disa ditë pasi një kabllo të dhënash që kalonte midis Finlandës dhe Gjermanisë dhe një kabllo midis Suedisë dhe Lituanisë u ndërpre.

I pyetur për këtë çështje, zëdhënësi i Kremlinit Dmitry Peskov tha në një konferencë: “Është absurde të vazhdosh të fajësosh Rusinë për gjithçka pa asnjë arsye. Është ndoshta për të qeshur në sfondin e mungesës së ndonjë reagimi ndaj aktiviteteve sabotuese të Ukrainës në Detin Baltik.”

Ky koment ishte në lidhje me shpërthimet e gazsjellësit Nord Stream në shtator 2022, për të cilin Rusia fajësoi Ukrainën dhe aleatët e saj./abcnews.al