Aksident në autostradën Veternik-Bresje, lëndohen katër persona

18:53 | 15 Nëntor 2024
R J

Një aksident trafiku ku u perfshinë katër automjete në pjesën lidhëse të autostradës mes Veternikut dhe Bresjes.

Zëdhënësja e Policisë për rajonin e Prishtinës, Arlinda Rexhepi konfirmoi për Arbresh.info se aksidenti ka ndodhur rreth orës 17:00.

Lidhur me rastin, bëhet e ditur se kanë mbetur të lënduar katër persona.

“Policia, rreth orës 17:00, është njoftuar për një aksident trafiku të ndodhur në autostradë, pjesa Veternik-Bresje. Njësia policore njofton se në aksident janë përfshirë katër automjete. Si pasojë e këtij aksidenti, deri tani, është raportuar për katër persona të lënduar, derisa lidhur me rastin në vendngjarje kanë dalë njësitë përkatëse policore dhe emergjenca për trajtim të procedurave të mëtejme”, tha Rexhepi./Arbresh.info/