Kylian Mbappe nuk është frtuar nga trajneri i Francës, Didier Deschamps për dy ndeshjet e muajit nëntor.

”Gjelat” do të përballen me Israelin me 14 nëntor, ndërsa pas tre dite luajnë me Italinë.

Mungesen e Mbappes e ka kmentuar edhe Presidenti i Federatës Franceze, Philippe Diallo.

“Po kalon një moment delikat.”, ka deklaruar ai.

“Sa herë që flisja me të, gjithmonë kam parë tek Kylian një dashuri për skuadrën e Francës, me respekt për fanellën që vesh. Nuk kam asnjë dyshim për përfshirjen e tij totale, as sjelljen e tij si kapiten dhe ndaj grupit”, ka deklaruar Diallo.

Presidenti i Federatës së Francës po ashtu ka thënë që shpreson se Mbappe së shpejti të rikthehet në kombëtare.

”E vetmja dëshirë që kam është që ai të kthehet në pozicion sa më shpejt të jetë e mundur.”, ka deklaruar ai./Indeksonline