Qeveria e Kosovës në mbledhjen e së mërkurës ka miratuar plotësim/ndryshimet në Ligjin për parandalimin e shpëlarjes së parave dhe financimit të terrorizmit.

Kryeministri Albin Kurti tha se ky projektligj është në përputhje me standardet e Bashkimit Evropian dhe do të kontribuojë në krijimin e një kornize ligjore më të fortë për ndalimin e aktiviteteve të pastrimit të parave në Kosovë.

‘Shqyrtimi i projektligjit kundër shpëlarjes së parave ministria e financave kanë hartuar projektligjin kundër shpëlarjes së parasë. Ky projektligj përcjell standardet e bashkimit evropian për lufte të suksesshme kundër krimit të organizuar dhe miratimi i këtij projektligji mundëson aplikimin e Kosovës për anëtarësim në zonën e vetme të pagesave evropiane”, tha Kurti.

Ndërsa, Ministri i Financave, Hekuran Murati, ka thënë se ndryshimet në këtë Ligj janë të nevojshme për procesin integrues në Bashkimin Evropian. Ndryshimet, siç ka thënë Murati, janë bërë sipas direktivave të BE-së./Arbresh.info