Ipswich Town është skuadra që këtë vit është inkuadruar në Premier League, por aventura e tyre nuk nisi aspak mirë pasi deri në xhiron e 11-të ata nuk patën asnjë fitore.

Por në këtë xhiro skuadra ku luan edhe gardiani dardan, Aro Muric, shënoi një fitore të madhe në udhëtim tek Tottenhami me rezultat 1-2, shkruan Arbresh.info.

Të besuarit e McKennas gjithë punën e kryen në pjesën e parë kur realizuan dy golat, fillimisht në minutën e 31-të me Szmodics, pastaj 12 minuta më vonë realizoi edhe Delap për 0-2.

Tottenham u mundua në pjesën e dytë të rikthehet në lojë ku realizoi në minutën e 69-të, me golin e Bentacur por kjo ishte e tëra se çfarë bën vendasit.

Deri në fund Ipswichi arriti të mbrohet dhe të siguroj fitoren e parë këtë sezon e cila është e para në Premier League pas 22 viteve.

Me këtë triumf tashmë ata kanë tetë pikë dhe janë larguar nga zona e rrezikshme ku ndodhen në pozitën e 17-të kurse Tottenham është i 10-ti me 16 sosh./Arbresh.info