Plagoset një person në Prishtinë, policia në kërkim të të dyshuarit

16:46 | 6 Nëntor 2024
E.G

Një plagosje ka ndodhur në fshatin Drenoc të Prishtinës.

Lajmin për Arbresh.info e ka konfirmuar Flora Ahmeti, zëdhënëse e policisë për rajonin e Prishtinës e cila tha se viktima është dërguar për tretman mjekësor.

“Sot rreth orës 15:00 policia ka marrë informatën për një plagosje me armë zjarri të ndodhur në fshatin Drenovc të Prishtinës.
Menjëherë pas marrjes së informatës policia ka dalë në vendin e ngjarjes dhe ka ndërmarrë të gjitha veprimet e nevojshme që konsistojnë në hetimin e rrethanave që karakterizojnë ngjarjen.”, ka thënë ajo.

Ahmeti tha se policia po heton rastin për arrestimin e të dyshuarit i cili është identifikuar.

“Hetuesit policor në koordinim me prokurorinë, po ndërmarrin veprimet hetimore për arrestimin e personit të dyshuar L.B ( i cili është identifikuar) si dhe ndriçimin e plotë të rastit.”, ka tha ai./Arbresh.info/