Pacolli takon një ish-ushtar të UÇK: I veshur me një këmishë nga donacioni që kam mundësuar pas luftës në Kosovë, me vlerë milionëshe

15:48 | 28 Tetor 2024
A Z

Ish-Presidenti i Kosovës, Behgjet Pacolli ka njoftuar se është takuar me një ish-ushtar të UÇK-së dhe TMK-së i veshur me një këmishë nga donacioni i tij.

Pacolli shkruan se për të gjithë pjestaret e TMK-së, menjëherë pas luftës në Kosovë ka dhuruar një donacion me vlerë milionëshe për të ndihmuar ata që dhanë gjithçka për Kosovën.

“Sot, gjatë një kafeje, u takova me një ish-ushtar të UÇK-së dhe TMK-së, i veshur me një këmishë nga donacioni që kam mundësuar për të gjithë pjestaret e TMK-së, menjëherë pas luftës në Kosovë– një donacion me vlerë milionëshe për të ndihmuar ata që dhanë gjithçka për Kosovën.
Një kujtim i gjallë i sakrificës dhe përkushtimit të tyre për vendin tonë.
Respekt i përjetshëm për ta”, shkruan Pacolli në llogarin e tij Facebook./Arbresh.info/