Kanë përfunduar të gjitha takimet e xhiros së 10-të në Ligën e Parë të Kosovës tek të dyja grupet.

Grupi A, po sjell përballje mjaft interesante nga java në javë dhe rezultatet befasuese, shkruan Arbresh.info.

Këtë fundjavë derbi kryesor u zhvilluar në Mitrovicë, ku Trepça mposhti Lirinë me rezultat 3-0, ndërkohë skuadra tjetër mitrovicas, Trepça 89’ u ndal me barazim 2-2 nga Istogu.

Drenica gjithashtu barazoi pa gola në Pejë ndaj Besës, kurse Vëllaznimi mposhti Mitrovicën minimalisht 1-0.

Në takimin tjetër Rilindja 1974 barazoi 3-3 ndaj Rahovecit.

Kurse në grupin B, liderja, Prishtina e Re këtë javë është njoftuar me barazimin e parë këtë edicion.

Bardhekaltrit u ndalën nga 2 Korriku me rezultat 1-1, Dinamo fitoi derbin ndaj Fushë Kosovës me rezultat 3-2, rezultat pozitiv arriti edhe Vushtrria që mposhti Ramiz Sadikun 2-0.

KEK-u arriti të marr në fitore bindëse ndaj Kikës në udhëtim me rezultat 0-3 dhe Flamurtari triumfoi ndaj Vjosës me rezultat 2-1, për të regjistruar fitoren e dytë këtë edicion./Arbresh.info