Izraeli ka kryer më shumë sulme ajrore në Bejrut dhe Libanin jugor, përfshirë në degët e një banke që thotë se po mbështet Hezbollahun.

Shpërthimet u dëgjuan në lagjen Dahieh të Bejrutit jugor, një zonë e kontrolluar nga Hezbollahu, si dhe në Luginën Bekaa dhe Libanin jugor. Është e paqartë nëse ka viktima, shkruan BBC transmeton Arbresh.info.

Ushtria izraelite më herët paralajmëroi njerëzit që jetonin në më shumë se 20 zona në Liban – duke përfshirë 14 në kryeqytetin Bejrut – se planifikonte të kryente sulme gjatë gjithë natës.

Forcat e Mbrojtjes së Izraelit (IDF) gjithashtu thanë se do të synonin bankat dhe infrastrukturën tjetër financiare që mbështesin Hezbollahun.

Në një deklaratë të dielën në mbrëmje, zëdhënësi i IDF-së, admin Daniel Hagari paralajmëroi se “kushdo që ndodhet pranë vendeve të përdorura për financimin e aktiviteteve terroriste të Hezbollahut duhet të largohet menjëherë nga këto vende”.

“Ne do të godasim disa objektiva në orët e ardhshme dhe objektiva shtesë gjatë natës”, tha ai.

“Në ditët në vijim, ne do të zbulojmë se si Irani financon aktivitetet terroriste të Hezbollahut duke përdorur institucionet civile, shoqatat dhe OJQ-të që veprojnë si fronte për terrorizmin,” shtoi zëdhënësi izraelit.