Kryeministri i vendit, Albin Kurti pas takimit me mërgatën në Francë, ka thënë se është i nderuar me mikpritjen e bashkatdhetarëve.

Kurti ka ndarë pamjet nga mikpritja atje, dhe ka thënë se diaspora ka vënë shembullin e përkushtimit ndaj atdheut, jo vetëm në të kaluarën e të tashmen por edhe për të ardhmen.

“I nderuar me mikpritjen e bashkatdhetarëve tanë në Paris. Diaspora jonë ka vënë shembullin e përkushtimit ndaj atdheut, jo vetëm në të kaluarën e të tashmen por edhe për të ardhmen. Pa kontributin e tyre, vendi ynë nuk do ta gëzonte lirinë dhe zhvillimin, dhe falë kontributin të tyre Kosova sot ka mbështetje të palëkundur gjithandej botës”, shkruan Kurti në Facebook.

Kryeministri shton se së bashku do të vazhdojnë të kontribuojnë në të ardhmen e vendit.

“Gjatë këtij takimi të përzemërt në Paris, ndamë përparimet që ka bërë Kosova në ekonomi e siguri, drejtësi e shëndetësi e në plot fusha të tjera. Kosova nuk është vetëm aty ku është fizikisht, ajo jeton dhe zhvillohet kudo ku është diaspora e saj. Së bashku vazhdojmë të kontribuojmë për një të ardhme më të ndritur për vendin tonë”, shkruan Kurti./Arbresh.info/