Serbia është duke luajtur ndeshjen e radhës në kuadër të Ligës së Kombeve ndaj Zvicrës, ku rezultati pas pjesës së parë është 1-0 në të mirë të vendit tonë fqinj.

Pjesë e formacionit të Zvicrës në pjesën e parë ishte futbollisti me prejardhje nga Kosova, Granit Xhaka, shkruan Arbresh.info.

Serb ultras including kids (not shocked) continuous racist chants about the Republic of Kosovo, during their match with Switzerland. ???? pic.twitter.com/KYVljtmy0d

— A (@titiigoles) October 12, 2024

Në ndeshjen që po luhet në Leskovc, ai u vërshëllye sa herë që kishte topin, madje në disa momente tifozët po këndonin kore nacionaliste kundër shtetit të Kosovës.

Kjo nuk është hera e parë që serbët bëjnë një gjë të tillë.

As në këtë ndeshje nuk munguan banderolat ku shihej flamuri serb në hartën e Republikës së Kosovës.

Skandalet e njëjta kishin ndodhur edhe në ndeshjen e mbrëmshme të Shqipërisë ndaj Çekisë në Pragë.

Mirëpo UEFA ka vendosur që të hesht për këto dukuri negative.

Pas ndeshjes së mbrëmshme dy Federatat e Futbollit si e Kosovës ashtu edhe Shqipërisë kishin reaguar duke i cilësuar si skandaloze ato veprime.

Kujtojmë që Serbia aktualisht është duke fituar me rezultat 1-0 ndaj Zvicrës, me një autogol të Elvedit në fundin e pjesës së parë./Arbresh.info