Policia Rajonale e Ferizajt ka ndërrmarrë një sërë aktivitetesh në parandalim të  aksidenteve në komunikacionin rrugor.

Në kuadër të këtyre aktiviteteve policia rajonale e Ferizajt gjatë javës që shkoi, nga data 23 – 29 shtator ka shqiptuar 1 mijë e 513 gjoba kundërvajtëse dhe ka hequr  12 patentë shoferë për drejtuesit që kanë shkaktuar kundërvajtje më të rënda në komunikacion.

Sipas njoftimit, gajtë kësaj periudhe kohore janë raportuar 32 aksidente, prej tyre :

11 aksidente me lëndime

11  persona të lënduar

21 aksidente me dëme materiale

“Policia Rajonale e Ferizajt do të vazhdojë me aktivitete të shtuara, me synim parandalimin e aksidenteve në komunikacionin rrugor dhe apelojmë tek shoferët që të bëjnë kujdes në komunikacionin rrugor. Ndërsa, ftojmë qytetarët që të bashkëpunojnë më policinë.”, thuhet në njoftim.

“Për të gjitha kundërvajtjet që shkaktohen në komunikacion, të njoftojnë menjëherë policinë, stacionin më të afërt, apo përmes aplikacionit digjital ‘’Lajmëro Policinë ‘’ dhe në numrat kujdestarë : 192,0290/326-250 & 0290/322-406.”, thuhet tutje./Arbresh.info/