Një person është arrestuar në Gjilan pasi dyshohet se ka kanosur me armë zjarri një burrë dhe një grua, raporton Policia e Kosovës.

Sipas policisë, pas kontrollit në shtëpinë e të dyshuarit është gjetur dhe konfiskuar një pushkë gjuetie, një karikator i zbrazët, leja e një arme, dhe 133 fishekë të kalibrave të ndryshëm.

Pas intervistimit, i dyshuari është dërguar në mbajtje.

“Rr. Idriz Seferi, Gjilan 22.09.2024-18:00. Është arrestuar i dyshuari mashkull kosovar, pasi që i njëjti pas një mosmarrëveshje , ka kanosur me armë zjarri dy viktimat (një mashkull dhe një femër) kosovarë. Nga i dyshuari është konfiskuar arma e zjarrit me një karikator dhe 10 fishekë ndërsa gjatë kontrollit në shtëpinë e të dyshuarit janë gjetur dhe konfiskuar: një pushkë, një pushkë gjuetie, një karikator i zbrazët, leja e një arme, dhe 133 fishekë të kalibrave të ndryshëm. Pas intervistimit, me vendim të prokurorit, i dyshuari është dërguar në mbajtje”, thuhet në raportin 24 orësh të Policisë së Kosovës./Arbresh.info