Deputeti nga radhët e Aleancës për Ardhmërinë e Kosovës, Pal Lekaj ka thënë se do të ketë sërish gaz lotsjellës në Kuvendin e Kosovës në rast se do të thirret seancë.

Lekaj tha se Qeveria nuk i ka marrë me seriozitet veprimet e opozitës. Sipas tij,  opozita është e vendosur në këtë drejtim dhe çdo thirrje e seancës e destabilizon vendin.

“Edhe pas protestave që kanë ndodhur me 9 janar të thirret një seancë, kjo nuk i kontribuon çështjes. Ne jemi prapë të vendosur që me të gjitha mjetet demokratike të mbrojmë sovranitetin dhe territorin e vendit, sepse jemi betuar që në këtë drejtim të punojmë”, tha Lekaj në emisionin “Kontakt” të Tribuna Channel.

Deputetit Pal Lekaj sot i është ndryshuar edhe masa e arrestit shtëpiak.

Lekaj në emisionin “Kontakt” foli edhe për zhvillimet e tjera që e presin vendin.