Balluku: Këtë vit të ri shkollor, 2 mijë e 100 mësues ndihmës janë pranë nxënësve me aftësi të veçanta

23:17 | 12 Shtator 2024
E.G

Zëvendëskryeministrja e Shqipërisë, Belinda Balluku tha se edukimi gjithëpërfshirës dhe i barabartë për të gjithë fëmijët mbetet prioritet i qeverisë shqiptare.

Me anë të një postimi në Facebook, ai tha se këtë vit të ri shkollor, 2,100 mësues ndihmës janë pranë nxënësve me aftësi të veçanta në shkolla, një rritje me +200 mësues më shumë se një vit më pare, shkruan Arbresh.info.

“Ata do të ofrojnë mbështetje të drejtpërdrejtë dhe të personalizuar, duke ndihmuar secilin fëmijë të zhvillojë plotësisht potencialin e tij.”, ka shkruar ajo.

“Risia e këtij viti është kthimi i shkollave speciale në qendra burimore, duke ofruar më shumë shërbime të specializuara për nxënësit me nevoja të veçanta.”, përfundoi Balluku./Arbresh.info/