Policia e Kosovës ka njoftuar se sot duke filluar nga ora 10:00 në ambientet e Akademisë së Kosovës për Siguri Publike (AKSP) në Vushtrri, është mbajtur testi me shkrim për zyrtarë policorë nga minoritetet.

Sipas njoftimit, konkursi ka qenë i shpallur më 11.07.202 dhe ka qenë i hapur deri me 05.08.2024, shkruan Arbresh.info.

“Pritet që 275 kandidatë nga minoritete të marrin pjesë në fazën fillestare-testi me shkrim për t’u bërë pjesë e procesit të përzgjedhjes për zyrtarë policorë. Këtë proces e kanë përcjellë zyrtarë nga OSBE-ja dhe EULEX-i.”, thuhet në njoftimin e policisë.

Policia bën të ditur se testi me shkrim përbëhet nga 100 pyetje dhe është i dizajnuar të vlerësojë kandidatin në fushën e njohurive të përgjithshme, gjuhë dhe letërsi si dhe matematikë.

“Rezultati minimal i kërkuar për të kaluar testin me shkrim është 70% të përgjigjeve të sakta nga testi.”, thuhet tutje./Arbresh.info/