Qindra luanë deti kanë pushtuar plazhin San Carlos në Monterey , Kaliforni, duke bërë që zyrtarët lokalë të mbyllin zonën për njerëzit.

Është vendosur shirit rrethues, por turmat janë ende të tërhequra nga spektakli i kafshëve, duke bërë foto të luanëve të detit teksa luajnë në rërë dhe në ujë.

Ndërsa luanët e detit, ose të njohura si foka me veshë, shihen shpesh në disa plazhe lart e poshtë bregut të Kalifornisë, banorët vendas thonë se kurrë nuk kanë parë kaq shumë gjitarë detarë të mbledhur në Monterey.

Lisa Uttal, një biologe detare në Sanctuary Kombëtar Detar të Monterey Bay, tha se ishte e paqartë saktësisht pse luanët e detit zgjodhën plazhin e San Carlos, por ata mund të tërhiqen nga diversiteti i pasur në furnizimin me ushqim të ekosistemit.

 “Ata migrojnë këtu poshtë nga Ventura dhe Ishujt Channel dhe janë tepër të lëvizshëm. Ata zakonisht po ndjekin ushqimin dhe për shkak se Sanctuary Kombëtar Detar i Monterey Bay është kaq produktiv këtu, produktiviteti është vërtet i pasur, “tha Uttal./euronews/