Juventusi e ka bërë prioritet transferimin e Karim Adeyemit, por duket se kjo gjë nuk do të ndodhë.

Ka pasur raportime të shumta nga mediat italiane dhe ato gjermane për të ardhmen e sulmuesit që e lidhnin me Zonjën e Vjetër.

Megjithatë duket se ky transferim nuk do të ndodh, pasi vet Adeyemi e ka hedhur poshtë.

Anësori këmbëshpejtë ka deklaruar se ai ka mendjen vetëm te Dortmundi dhe nuk ka asgjë të vërtetë rreth lajmeve që e lidhnin me Juventusin.

“Vëmendja ime është vetëm te Borussia Dortmund. Jam i lumtur këtu dhe unë dua të qëndroj në këtë klub sepse planet e mia nuk kanë ndryshuar kurrë”.

“A ka folur babai im me Juventusin? Është shkruar shumë, por kjo nuk është aspak e vërtetë”, deklaroi sulmuesi gjerman.

Juventus prej kohësh është interesuar për shërbimet e gjermanit, mirëpo dëshira e sulmuesit është të qëndroj në Signal Iduna Park. /Telegrafi/