Ministri për Evropën dhe Punët e Jashtme të Shqipërisë, Igli Hasani ka njoftuar se ka nisur shpërndarja e teksteve shkollore për nxënësit shqiptarë në diasporë.

Hasani ka thënë se rreth 5 mijë tekste të unifikuara fizike dhe digjitale janë dërguar në përfaqësitë diplomatike të Republikës së Shqipërisë.

“Rreth 5 mijë tekste të unifikuara fizike dhe digjitale të “Gjuha shqipe dhe kultura shqipe” niveli I dhe II, janë dërguar në përfaqësitë diplomatike të Republikës së Shqipërisë, për të mundësuar mësimin e gjuhës shqipe, bazuar në marrëveshjen e nënshkruar mes Shqipërisë dhe Kosovës”, ka shkruar ai në Facebook.

Hasani ka shtuar se ministria për Evropën dhe punët e Jashtme është e angazhuar që shumë shpejt, të përfundojë procesi i unifikimit të teksteve të përbashkëta, për “Gjuha shqipe dhe kultura shqipe” niveli III.

Ai ka theksuar se tekstet e tjera plotësuese për mësimin e gjuhës shqipe, mund lexohen dhe shkarkohen falas në faqen zyrtare./Arbresh.info/