Në kuadër të planit aktiv “Mbrojtja e pyjeve 2024”, policia dje rreth orës 15:30 në fshatin Sllatinë të Kaçanikut kanë ndaluar një person me një automjet furgon që po transportonte ilegalisht drunjë nga Malet e Sharrit.

“Policia i ka marrë veprimet e nevojshme, ka konfiskuar furgonin për dokumentacion të parregullt, ndërsa ka njoftuar edhe zyrtarët e Parkut Kombëtar “Sharri”, të cilët kanë dalë në vendin e ngjarjes dhe kanë shqiptuar fletëparaqitje ndaj personit për transport ilegal, ndërsa kanë konfiskuar edhe sasinë e drunjëve, rreth 7 kubik”, thuhet në njoftim, transmeton Arbresh.info.

Policia Rajonale e Ferizajt, po bënë përpjekje të vazhdueshme në bashkëpunim edhe me rojet e pyjeve në parandalim të prerjes, transportit dhe shitjes ilagele të drunjëve .

“Policia fton qytetarët për bashkëpunim, nëse kanë informacione rreth prerjes, transportit apo shitjes ilegale të drunjëve, të njoftojnë menjëherë policinë, stacionin më të afërt, apo përmes aplikacionit digjital ”Lajmëro Policinë ” dhe në numrat kujdestarë : 192,0290/326-250 & 0290/322-406, policia do të reagojë menjëherë dhe do të koordinojë aktivitetet me rojet e pyjev
Të dhënat e juaja do të ruhen në konfidencialitet të plotë”, thuhet mes tjerash në njoftim./Arbresh.info