Osmani: Srebrenica, simbol i nevojës së vazhdueshme për drejtësi

09:10 | 11 Korrik 2024
E.G

Presidentja e Kosovës, Vjosa Osmani ka kujtuar 29-vjetorin e Gjenocidit të Serbisë në Srebrenicë.

Osmani me anë të një postimi në Facebook tha se Srebrenica nuk është vetëm një vend në hartë, por një simbol i nevojës së vazhdueshme për drejtësi, rëndësisë së të vërtetës dhe fuqisë së kujtimit.

Më tej, ajo theksoi se tmerret e atij kapitulli të errët ku u vranë mbi 8 mijë djem e burra boshnjakë u vranë brutalisht nga regjimi gjenocidal i Millosheviqit, janë kujtesë e mizorisë njerëzore, shkruan Arbresh.info.

“Sot, në Ditën Memoriale në shenjë të përkujtimit të gjenocidit në Srebrenicë, nderojmë kujtimin e jetëve të pafajshme të humbura dhe ripërsërisim se paqja e qëndrueshme është e mundur vetëm atëherë kur ka drejtësi për viktimat.”, ka shkruar ajo./Arbresh.info/