Policia shqipton mbi 4 mijë e 700 gjoba dhe konfiskon 7 armë gjatë javës së kaluar në rajonin e Prishtinës

10:45 | 8 Korrik 2024
E.G

Zyrtarët policor të rajonit Prishtinës , gjatë javës së kalaur kanë realizuar 237 urdhëresa të gjykatës, prej tyre 44 urdhëresa për vepra penale, ndërsa të tjerat për kundërvajtje, seanca, verifikime etj.

Në përputhje me urdhëresat, pas përfundimit të procedurave policore, personat e dënuar me burgim janë dërguar për vuajtje të dënimit, ndërsa personat e dënuar me gjobë, janë liruar, pasi të njëjtit kanë kryer obligimet e caktuara në urdhëresa, shkruan Arbresh.info.

Në periudhën e njëjtë kohore janë sekuestruar 7 armë zjarri, të llojeve dhe kalibrave të ndryshëm, si dhe dhjetëra municione të llojeve dhe kalibrave të ndryshëm.

Në po të njëjtën periudhë kohore, nga aktivitete të tilla ka rezultuar shqiptimi 4 mijë e 733 masave administrative me gjobë për lloje të ndryshme të kundërvajtjeve dhe shkeljeve të kodit rrugor./Arbresh.info/