Stuhitë e fuqishme dhe shirat e rrëmbyeshëm që goditën Francën dhe Zvicrën gjatë kësaj fundjave kanë lënë të vdekur të paktën persona, thanë autoritetet më 30 qershor.
Tre persona, në të 70-tat dhe 80-tat vdiqën në rajonin verilindor Aube në Francë të shtunën, kur një pemë u rrëzua mbi makinën me të cilën ata po udhëtonin, teksa shteti është goditur nga erëra të fuqishme.
Pasagjeri i katërt është në gjendje kritike, thanë autoritetet lokale për agjencinë e lajmeve, AFP.
Në Zvicër, dy persona vdiqën pas shirave të rrëmbyeshëm që shkaktuan rrëshqitje të dheut në juglindje të shtetit, në kantonin italianofolës të Ticinos, tha policia. Më pas autoritetet njoftuan se zbuluan edhe trupat e pajetë të dy personave.
Sipas mediave lokale, dy nga viktimat ishin gra që ishin për pushime në Zvicër.
Moti i lig po ashtu ka lënë disa zona pa energji elektrike në Zvicër.
Edhe javën e kaluar, Zvicra u përball me shira të rrëmbyeshëm që lanë të vdekur një person dhe shkaktuan dëme të mëdha.
Në veri të Italisë, në Luginën Aosta, u raportua për vërshime të mëdha për shkak të lumenjve që dolën nga shtrati.
Shkencëtarët thonë se ndryshimet klimatike, të nxitura nga aktivitetet e njerëzve, po rrisin ashpërsinë dhe kohëzgjatjen e motit ekstrem, sikurse përmbytjet dhe stuhitë./rel/
Incident pas finales së Kupës së Botës për Klube, Enrique su...
ByteDance po përgatit një TikTok “të ri” për tregun amerikan...
Chelsea fitues i Kupës së Botës për Klube e dekason PSG-në n...
Digjen dy hektarë grurë në Vushtrri, arrestohet një 18 vjeça...
Dy të vdekur dhe disa të plagosur në të shtënat në kishë në ...
BE shtyn tarifat tregtare hakmarrëse kundër SHBA