Policia e Kosovës në bashkëpunim me Doganën e Kosovës kanë ndërmarrë veprime operacionale në disa biznese të argjendarive në rajonin e Gjilanit për dyshime në veprimtari të paligjshme.

Sipas Policisë, janë gjetur dhe sekuestruar përkohësisht 33 kg e 310 gram ari, 14.650.00€ dhe 9.720.00 franga zvicerane, shkruan Arbresh.info.

Lidhur me këtë rast, janë arrestuar gjashtë persona të dyshuar të cilët pas intervistimit janë dërguar në mbajtje.

“Gjilan, 01.06.2024-15:00. Sektori për Hetimin e Korrupsionit i Policisë së Kosovës në koordinim me Doganën e Kosovës pas pranimit dhe verifikimit të informatës për dyshim për Tregti të paligjshme nga disa biznese që ushtronin veprimtarinë argjendarive, kanë ndërmarrë veprime operacionale në rajonin e Gjilanit duke kontrolluar shtatë (7) lokacione të ndryshme me ç’rast gjatë kontrollit janë gjetur dhe sekuestruar përkohësisht: 33kg e 310 gram ari (tridhjetë e tre kilogram e treqind e dhjetë gram ari), 14.650.00€ dhe 9.720.00 franga zvicerane. Lidhur me rasti janë arrestuar gjashtë(6) persona të dyshuar meshkuj kosovarë dhe pas intervistimit me vendim të prokurorit kujdestar janë dërguar në mbajtje”, thuhet në raportin 24 orësh të Policisë së Kosovës./Arbresh.info