Objekti i ministrisë/Rama demanton ministrin Peci: Dokumentacioni i dorëzuar është i pakompletuar

14:46 | 22 Prill 2024
E.G

Kryetari i Komunës së Prishtinës, Përparim Rama i ka reaguar ministrit të Bujqësisë, Faton Peci pasi që ky i fundit tha që komuna po ua bllokon ndërtimin e objektit të ministrisë.

Me anë të një postimi në Facebook, Rama sqaroi që dokumentacioni i dorëzuar nga Ministria është i pakompletuar duke thënë se i mungon dokumenti i matjeve gjeodezike, i cili është i domosdoshëm për lëshimin e kushteve ndërtimore, shkruan Arbresh.info.

“Përndryshe jemi të habitur me aftësinë dhe kohën që gjen një ministër i Qeverisë së Republikës së Kosovës për t’u marrë me gjendjen shëndetësore të familjarëve dhe pushimet personale të stafit të Kryeqytetit.”, ka shkruar mes të tjerash Rama./Arbresh.info/

LEXO EDHE:

https://www.arbresh.info/lajmet/ministri-peci-perparim-rama-po-bllokon-ndertimin-e-objektit-te-ministrise-mohohet-perfitimi-i-160-milione-eurove-per-bujqesine/