Policia e Kosovës ka njoftuar se gjatë javës së kaluar në lokacione të ndryshme e aksione të ndara, janë realizuar 127 urdhëresa të gjykatës, prej tyre 30 urdhëresa për vepra penale, ndërsa të tjerat për kundërvajtje, seanca e verifikime.

Gjatë kësaj peridhe kohore janë sekuestruar 8 armë zjarri, të llojeve dhe kalibrave të ndryshëm, shkruan Arbresh.info.

Ndërkaq janë shqiptuar 2 mijë e 986 masave administrative me gjobë për lloje të ndryshme të kundërvajtjeve dhe shkeljeve të kodit rrugor.

Njoftimi i plotë:

Vazhdojnë aktivitetet e zyrtarëve policor të rajonit të Prishtinës

Nga zyrtarët policor të rajonit Prishtinës , gjatë javës së kaluar në lokacione të ndryshme e aksione të ndara, janë realizuar 127 urdhëresa të gjykatës, prej tyre 30 urdhëresa për vepra penale, ndërsa të tjerat për kundërvajtje, seanca, verifikime etj.

Konform urdhëresave, pas përfundimit të procedurave policore, personat e dënuar me burgim janë dërguar për vuajtje të dënimit, ndërsa personat e dënuar me gjobë, janë liruar, pasi të njëjtit kanë kryer obligimet e caktuara në urdhëresa.

​Ndërkohë që aktivitete policore janë shtrirë edhe në segmente të tjera të sigurisë.

Gjatë periudhës së njëjtë, janë sekuestruar 8 armë zjarri, të llojeve dhe kalibrave të ndryshëm.

Ndërkaq aktivitetet policore në sferën e sigurisë në trafikun rrugor.

Në po të njëjtën periudhë kohore, kanë rezultuar me shqiptimin e 2986 masave administrative me gjobë për lloje të ndryshme të kundërvajtjeve dhe shkeljeve të kodit rrugor./Arbresh.info/