Deputetja britanike, Alicia Kearns ka reaguar pas formimit të grupit punues të Serbisë me urdhër të presidentit Aleksandar Vuçiq, për të punuar në parandalimin e anëtarësimit të Kosovës në Këshillin e Evropës.

Me anë të një postimi në platformën “X”, ajo ka shkruar se BE-ja po demonstron zero ekuilibër ndaj Serbisë.

“Vazhdimisht, BE nuk ka qasje të balancuar kur bëhet fjalë për Serbinë,” shkroi Kearns.

Ndryshe, Bashkimi Evropian nuk i ka komentuar paralajmërimet e Serbisë se do të punojë për të parandaluar anëtarësimin e Kosovës në Këshillin e Evropës.

“Nuk dua të hyj në komente të asaj se çfarë është thënë se çfarë dëshiron të bëjë presidenti Vuçiq”, ka thënë zëdhënësi i BE-së, Peter Stano./Arbresh.info

The EU is choosing to demonstrate zero balance when it comes to Serbia, consistently. https://t.co/KE2HBYKEa8

— Alicia Kearns MP (@aliciakearns) April 5, 2024