Proton Cable Prizreni do të jetë anëtare e Prince Caffe Superligës për edicionin e ardhshëm.

Basketbollistët e Proton Cable Prizrenit fituan ndaj New Basket me rezultat 107:67, derisa në sfidën e parë fituan 93:113, për të siguruar qëndrimit në Superligë.

Prizreni ishte më e mirë nga fillimi deri në fund, duke mos e diskutuar asnjëherë fitoren dhe sigurimin në Superligë.

Proton Cable Prizreni ishte renditur në vendin e shtatë në Prince Caffe Superligë, kurse New Basket ka humbur në finalen e Ligës së Parë ndaj Borës.

Tetë skuadrat që do të jenë pjesë e Superligës së Kosovës në basketboll janë Trepça, Peja, Golden Eagle Ylli, Sigal Prishtina, Vëllaznimi, Bashkimi, Proton Cable Prizreni dhe Bora e cila ka siguruar inkuadrimin pasi e fitoi ligën e parë.

Ndërsa Istogu nga viti i ardhshëm do të jetë pjesë e Ligës së Parë pasi u rendit e fundit në tabelën e Superligës.

Istogasit pas 28 xhirove patën vetëm një fitore dhe 27 humbje./Arbresh.info/