Një person i cili ishte raportuar i zhdukur është gjetur sot në një humnerë në Prevallë.

Kështu bëri të ditur policia me anë të një njoftimi në Facebook, ku thuhet se ai ishte raportuar i zhdukur nga bashkëshortja e tij, shkruan Arbresh.info.

Siç thuhet në njoftimin e policisë, i njëjti bashkë me bashkëshorten e tij ishte në pushime në fshatin turistikë Prevallë, Prizren kishte dalë për shëtitje në natyrë dhe nuk ishte kthyer më.

“Më 27 mars 2024, në Stacioni Policor në  Prizren,  është raportuar se një person nga Ferizaj i cili bashkë me bashkëshorten e tij ishte  në pushime në fshatin turistikë Prevallë, Prizren kishte dalë për shëtitje në natyrë dhe nuk ishte kthyer më. Personi si i zhdukur është raportuar nga bashkëshortja e tij. Ajo raporton se bashkëshorti i saj është larguar nga  vendbanimi rreth orës 18:30 dhe nuk dihet se ku është , bashkëshorti i saj është A. M. i lindur më 1963 .”, thuhet në njoftim.

“Pas raportimit në polici, janë dërguar zyrtarët policor për të hetuar rastin dhe për të kërkuar viktimën, kërkimit i është bashkuar edhe njësia e Zjarrfikësve nga Prizreni si dhe familjarët e të zhdukurit.”, thuhet ndër të tjera në njoftim.

“Të njëjtën dite, rreth orës 23:09 personi i zhdukur është gjetur, viktima kishte rene në një humnerë rreth 5 metra poshtë rrugës, viktima është nxjerre nga njësitet policore dhe me emergjence është dërguar ne Spitalin Rajonal në Prizren pasi kishte lëndime sipërfaqësore për të cilat është  trajtuar .”, thuhet një njoftim./Arbresh.info/