Napoli është eliminuar mbrëmë nga Barcelona në rrethin e 1/8 së finales në Champions League.

Barcelona fitoi 3-1 ndeshjen, teksa me rezultat të përgjithshëm spanjollët triumfuan 4-2, për të kaluar në çerekfinale të garës më prestigjioze për klube Champions League, shkruan Arbresh.info.

Golin e vetë, për Napolin e shënoi kapiteni i Kosovës, Amir Rrahmani.

Mbrojtësi dardan realizoi në minutën e 30-të për të ngushtuar epërsinë e blaugranave.

Pas ndeshjes Amir Rrahmani tha se skuadra e Napolit po largohen me kokën lartë nga Championsi.

“Ne po largohemi nga Championsi me kokën lartë sepse luajtëm hapur, duke ndërmarrë rreziqe. Mund të bënim më mirë tek rezultati 2:1 sepse kundër ekipeve të forta i paguan rastet e humbura”, tha Rrahmani.

Napoli nuk po kalon formë të mirë këtë sezon pasi është eliminuar edhe nga Championsi, është në vendin e shtatë në Serie A, me 44 pikë.