Prokuroria Themelore në Mitrovicë, Departamenti i Përgjithshëm, pranë Gjykatës Themelore në Mitrovicë – Dega Skenderaj, ka paraqitur kërkesë për caktimin e paraburgimit për të pandehurin A.V., pasi ekziston dyshimi i bazuar se ka ndihmuar në kryerjen e veprës penale “Vjedhje e rëndë”.

“I pandehuri A.V., dyshohet se me datë 18 shkurt 2024, me të pandehurin I.K., së bashku traktorin e vjedhur në fshatin Tërnac të Skenderajt, përmes rrugëve ilegale malore e dërgojnë në Serbi. Për këtë rast, me datë 05 mars janë ndaluar të pandehurit P.S., dhe V.K., për të njëjtit me datë 06 mars Prokuroria Themelore në Mitrovicë ka paraqitur kërkesë për caktimin e paraburgimit, dhe ndaj të pandehurve të lartcekur është caktuar masa e paraburgimit prej 30 ditësh, ndërkaq në arrati gjenden edhe të dyshuar tjerë”, thuhet në njoftimin e prokurorisë.

Seanca dëgjimore për caktimin e masës së paraburgimit ndaj të pandehurit A.V., pritet të mbahet sot, ditë e premte, pranë Gjykatës Themelore në Mitrovicë – Dega Skenderaj. /Arbresh.info/