Arrestohet në flagrancë në një barnatore në Prishtinë i dyshuari për grabitje në tentativë

11:40 | 4 Mars 2024
E.G

Një person ësnhtë arrestuar nën dyshimin se i njëjti ishte pjesëmarrës në një rast të grabitjes të mbetur në tentativë.

Lajmin për Arbresh.info e ka konfirmuar zëdhënësja e policisë për rajonin e Prishtinës, Flora Ahmeti.

“Arrestohet një person për grabitje në tentativë Sot rreth orë 10:30, nga zyrtarët policor të stacionit Jugu në Prishtinë, është arrestuar një person, për të cilin ekziston dyshimi i arsyeshëm se është përfshirë në një rast të grabitjes së mbetur ne tentativë.”

Ahmeti bën të ditur se i dyshuari është arrestuar në flagrancë, në një barnatore në lagjen Ulpiana në Prishtinë.

“Ndaj tij kanë filluar procedurat nevojshme policore në koordinim me prokurorin e shtetit, i njëjti dyshohet të jetë i përfshirë edhe në raste të tjera të natyrës së njëjtë.”, bën të ditur ajo./Arbresh.info/