Arrestohen dy vëllezër me pesë kallëpe tritoli në Shqipëri

20:16 | 18 Shkurt 2024
D.H

5 kallëpe tritoli, 2 prej të cilëve të montuar për shpërthim në distancë u sekuestruan në Sarandë bashkë me 7 kapsolla detonatore, 3 krehra dhe municion luftarak.

Në pranga për posedimin e tyre ranë dy vëllezërit, Haredin dhe Huso Ogiçi, 61 dhe 56 vjeç, si dhe u shpall në kërkim një 26-vjeçar.

Policia e Shqipërisë thotë se të tre ata bashkëpunonin me njëri-tjetrin për të përgatitur lëndën plasëse dhe më pas ua shisnin grupeve kriminale. Operacioni në Sarandë është vijim i një seri operacionesh kryesisht në Vlorë, ku janë sekuestruar kallëpe tritoli të montuara për shpërthim në distancë.

Gjatë 4 operacioneve të mëparshme të zhvilluara në 1 vit, policia ka sekuestruar në total 13 mina me telekomandë, që dyshohet se shiten në shifra që shkojnë deri në 10 mijë Euro./tvklan.al