Bashkimi ka arritur të mposht skuadrën e Pejës me rezultat 84-78 në kuadër të xhiros së 21-të në kuadër të Superligës së Kosovës në Basketboll.

Pjesa e parë i takoi Pejës e cila pati avantazh prej dy pikësh 50-48, shkruan Arbresh.info.

Teksa Bashkimi u rikthye për të fituar pjesën e dytë dhe në fund triumfoi 84-78.

Më meritori në këtë fitore ishte Erik Copes që realizoi 24 pikë, shtoi nëntë kërcime e tri asistime.

Lojë të mirë bëri edhe Lejson Zeqiri me 19 pikë e nëntë kërcime, e Jalan Mccloud që shënoi 20 pikë.

Teksa për Pejën më i dalluari ishte Larry Thomas me 17 pikë.

Në këtë lojë luajti edhe transferimi i ri i Pejës, Kwane Vaughn që shënoi gjashtë pikë.

Kjo ishte humbja e gjashtë për Pejën krahas 15 fitoreve, ndërsa Bashkimi realizoi triumfin e tetë këtë sezon ku ka edhe 13 humbje./Arbresh.info/