Ad Banner
Ad Banner
Ad Banner
Ad Banner

Leverkusen fiton në limite dhe shpallet “Kampione e Dimrit”, Leipzig humbet në shtëpi

17:49 | 13 Janar 2024
E.K

Bayer Leverkusen fiton në frymën e fundit në transfertë ndaj Augsburg me rezultatin 0-1. “Aspirinat”, ishin superior për pjesën më të madhe të takimit, megjithatë për të gjetur golin e fitores u desh të vinte minuta e 94. Heroi për skuadrën e drejtuar nga trajneri Xavi Alonso ishte Palacios që nuk gaboi në zonën kundërshtare dhe me një goditje të bukur mposhti portierin Dahmen.

Falë këtij suksesi, Bayer Leverkusen u shpall Kampione e Dimrit teksa Aspirinat ngjiten në kuotën e 45 pikëve në vend të parë, katër më shumë se ndjekësit e Bayern Munich.

Nga ana tjetër, Augsburg mbetet me 18 pikë në vend të 11. Në ndeshjet e tjera, Leipzig u mposht në shtëpi nga Eintracht Franfurt me shifrat 0-1, Koln barazoi 1-1 me Heidenheim, Freiburg barazoi 0-0 me Union Berlin teksa Mainz po ashtu barazoi 1-1 me Wolfsburg./ss

Shpërndaje në rrjete sociale

Lajmet më të lexuara

Të ngjashme

Ad Banner

Foto lajm