Mesfushori i Napolit, Piotr Zielinski thuhet se ka arritur një marrëveshje verbale me Interin përpara një transferimi të mundshëm të lirë në Stadio Giuseppe Meazza verën e ardhshme.

Kontrata e polakut në Stadio Maradona skadon në qershor të vitit 2024 dhe sipas La Gazzetta dello Sport, Interi është destinacioni më i mundshëm për të sezonin e ardhshëm.

Mediumi italian pretendon se Inter dhe Zielinski kanë arritur një marrëveshje verbale për një kontratë prej 4.5 milionë eurosh deri në qershor 2027.

Sipas Gazzetta dello Sport, asnjë klub nuk ka arritur ende propozimin e Interit, as Napoli me një ofertë për vazhdim të kontratës dhe as Juventusi.

Kjo, megjithatë, nuk do të thotë se marrëveshja është përfunduar dhe se Zielinski do t’i bashkohet Interit në sezonin 2024/2025.

Nerazzurrët kishin arritur gjithashtu një marrëveshje verbale me mbrojtësin e Lille, Tiago Djalo përpara një transferimi të lirë në qershor, por Juventusi mundi konkurrencën e rivalëve të tyre duke arritur një marrëveshje me klubin francez për transferimin e tij janarin, kështu që Djalo pritet t’i nënshtrohet testeve mjekësore në Torino në javët në vijim.