Kusari-Lila: Nga zemra ju uroj një fillim të mbarë dhe një vit të mbushur me plotë dashuri

20:00 | 31 Dhjetor 2023
E.H

Shefja e Grupit Parlamentar të Vetëvendosjes, Mimoza Kusari – Lila ka uruar qytetarët e Kosovës për Vitin e Ri 2024.

Kusari-Lila në llogarinë e saj në Facebook, ka publikuar një fotografi me familjen e saj teksa ka uruar që viti i ardhshëm të jetë i mundësive dhe të sjell paqe në botë.

“Në orët e fundit të vitit 2023, nga zemra ju urojmë një fillim të mbarë të vitit të ri dhe një vit të përmbushur me plot dashuri, gëzime e suksese për ju dhe familjet tuaja! Le të jetë ky viti i mundësive të reja për të gjithë ne dhe viti që do të sjellë paqe në botë!”, kështu ka shkruar Kusari – Lila.

Tutje ajo ka falënderuar të gjithë ata që janë në krye të detyrës sonte dhe janë duke u kujdesur që ndërrimi i motmoteve të ketë rrjedhën e mbarë.\Arbresh.info