Gjykata Themelore në Prishtinë ka shpallur fajtor të akuzuarin Sh.Sh dhe ka dënuar me burgim në kohëzgjatje prej 5 vite për veprën penale Dhunim.

Sipas gjykatës, i akuzuari detyrohet që në emër të Fondit për kompensimin  e viktimave të krimit, të paguajë shumën prej 50 euro, shkruan Arbresh.info.

“Gjykata Themelore në Prishtinë, Departamenti për Krime të Rënda ka shpallur aktgjykimin në çështjen penale kundër të akuzuarit Sh.Sh, i akuzuar për veprën penale Dhunimi nga neni 230 paragrafi 4 nënparagrafi 4.2 të Kodit Penal të Republikës së Kosovës.”, thuhet në njoftimin e gjykatës.

“I akuzuari Sh.Sh është shpallur fajtor dhe është dënuar me burgim në kohëzgjatje prej 5  (pesë) vitesh për veprën penale Dhunimi, i akuzuari detyrohet që në emër të Fondit për kompensimin  e viktimave të krimit, të paguajë shumën prej 50 euro.”, thuhet tutje.

Sipas aktgjykimit, e dëmtuara në këtë çështje penale, për realizimin e kërkesës pasurore juridike, udhëzohet në kontest juridiko- civil.

Kundër këtij aktgjykimi, palët kanë të drejtë ankese në Gjykatën e Apelit të Kosovës, përmes Gjykatës Themelore në Prishtinë./Arbresh.info/